حنيت لك..

[حلم غالي]

مما راق لي ولعلها تلامس ذائقتكم
:
يهزنـي لـك حنـيـن ٍ مــا تحملـتـه ..
حتى تطيـح الدمـوع و تنشـف أهدابـي ..


و الشوق ما عمر قلبـي جـاوب أسألتـه ..
يا ليت تدري غيابـك و يـش سـوا بـي ..


طعـم الأغانـي فبعـدك مــا تقبلـتـه ..
لا الشعر شعـري ولا الإعجـاب إعجابـي ..


و الحلـم قـدّام عينـي طـاح مـا شلتـه ..
مافيه أقسى مـن إنـي أفقـد أحبابـي ..


القلـب مـن بعد مـا الأشـواق أشغلـتـه ..
كنـّه يبـث الحـزن و يطيّـر أسـرابـي ..


القلـب خسـران فـي بعـدك معادلـتـه ..
لا زاد عنـي غيابـك .. زدت بـعتـابـي ..


فيني حكي عـن غيابـك بـس مـا قلتـه ..
تعـال ناظـر عيونـي وإنــت أدرى بــي


كـف المواصـل فـبعـدك كـم توسلتـه ..
ياخذنـي يمـك أو يجيبـك علـى بـابـي ..


يا كثر مـا جيـت فـي بالـي و شاغلتـه ..
و يا كثر ما أحسب و لجلك ضعت بـحسابي ..


جـرح المفـارق حبيبـي كيـف حللتـه .. ؟
من بعد ما كنت لـي أقـرب مـن ثيابـي ..


قلي وش اللي قدرتـه بـس مـا طلتـه ! ..
كل ما أشوف الأمـل .. أفتحـه لـه أبوابـي


كـل شـي يمكـن يجيبـك لـي حاولتـه ..
حتـى ولـو فـي مسيـري زادت أتعابـي ..


و آرد خايـب ولا بـه شـي حصلـتـه ..
و أبكـي غيابـك وتبكـي حالـي أقـرابـي


شفنـي تمثنيـت عمـري لـك و أهملتـه ..
شفنـي تبعـت الشعـور العـذب بركـابـي


تعـال حتـى لــو شـعـوري تثاقلـتـه ..
الدمـع جـرّح لـي خــدودي و أهـدابـي


يا أكثـر إنسـان فـي هـالكـون دللتـه ..
هو فيه أقسى من إني أفقـد أحبابـي ... ؟؟

[Daisy Smile]

http://im31.gulfup.com/hmcLD.png

[حلم غالي]

تسلمين قلبي كلك ذوووق فديت احساسك الراقي..
غلبتيني بالتصاميم بس لي عوده فيها
انتظري الابداع الجاي😊

[متفااائل]

إن غبت يوما عن الأحباب في شغل فالقلب دوما مع الأحباب موصـول


والليل مهمـا أطـال الله ظلمتـه فيه انفراج لمـن بالهـم مشغـول


دمتي أخت حلم غالي ودام قلمك مبدعاً متألقاً
بانتظار جديدك