المساعد الشخصي الرقمي

مشاهدة النسخة كاملة : قصتي مع الشياب يحليلهم ( مواقف حقيقية )


mooof
06-28-2007, 07:23 PM
قصص حقيقية من واقعي الأليم (الله يكفيكم شر عصا الشياب)


في احدى المرات وانا منتشي بنفسي وعلى بالي قوي
كنت في سوق الخضرة واذا بشايب يحوال صعود درجتين فقط وشكلة غرز وقلت ولو يحتاج الى مساعدتي وجيت لة بكل زهو واعتداد بالنفس وخرو عنة (مو بعاقل) وقلت عطني يدك ياعم ( بصوت فخم وبطيء مليءبالثقة) وامسك يد الشايب ولما بديت اسحبة اكتشفت الطامة الكبرى الشايب يسحبني بدلا من ان اسحبة واجيك امشي مليون كأني باتريوت وسقط على سكود -- واطيح على رأس الشايب وبغيت اكسرة ( حلوة اكسرة قولو كسرني ( تمر وقهوة) المهم وهو اللي يعصب يضربني بالعصا ويقول مالت عليك وعلى جيلك جيل النيدو قلت انا جيل حليب سارة ياعم قال اردى واردى وش فية حليب العنز ويضربني وانا ياحرررام وجهي صار عنابي وازرق والعالم تضحك علي والمشكلة ما فية شماغ (غترة) الواحد يتلطم ويغطي وجهة ( احد فوائد الغترة) وضع سيء جعلكم ما تمرون فية( على فكرة كنت اقلد ابوالهول شفتة مرة يسحب واحد ..ما شاء الله علية) (واحد قوي بحارتنا)

ومرة كنت مسافر الى مكة وفي الطريق قررت الإستراحه في احد المساجد بالطايف ومعي اصحابي ( قبل السيل الكبير) ننتظر صلاة العصر والظاهر اني نمت وما صحيت الا على ضربت خطافية على الظهر الله يجيركم وافز على حيلي لا الة الا الله ولا شعوريا امسك الشايب مع حلقة وقولة وش فيك انت وهو قم صل صل وانا اقول طيب ياخي بأسلوب انا كنت نايم ويرفع العصا مرة ثانية وامسكها .. الا ويجونك 3 شياب اخرين ( افراد تعزيز وبعصيهم ولو طحنا في حديقة شياب صل يا السلب (الكلب) واعصب واقول ماني مصلي والله ما اصلي (زعلان مرة بعد الطق وانا اللي رايح اخذ عمرة في رمضان وكنت صايم)واخوياي يضحكون وانا اللي اطلع ويقيم الصلاة وما تعوذت من الشيطان الا بعد الركعة الثانية ورحت صليت وبعدها حبيت راس الشايب وغار الشياب الثانين ما حبيتهم لأنهم طقوني بقوة ال؟؟!!

ومرة شايب ضربني بعصا في مستشفى ويقولي هي انت يبغى يسأل
وانا اقول وين الله يهديك شايفني خروف
وجدي قد كسر العصا على راسي علشان صلاة الفجر وبدل ما اطلع من الباب طلعت من الدريشة ( اشوى دور ارضي ولا كان علوم) وانا اللي على بالي احبة ونايم عندة بالغرفة .

منقووووووووووووووووول

نوني80
06-29-2007, 12:22 AM
فكرت القصص حقيقية صارت معك إنت موف
بس حلويييييييييييين
أشكرك

روح الياسمين
06-29-2007, 01:00 AM
قصصك رائعه
اعجبتني كلمة الشايب جيل النيدو
اسرك الله بما تحب ياموووف

دنيا الأمل
06-29-2007, 08:11 PM
ههههههههههههه

شكلك متعقد من الشياب اخ موف

اكثر شيء ضحكني موقف الطائف ( حلوه ما راح اصلي )

مشكوور اخ موف على الموضوع الطريف