المساعد الشخصي الرقمي

مشاهدة النسخة كاملة : سوالف البنات في الطابور الصباحي....................................


همسات
06-25-2007, 06:50 PM
اليوم جبت لكم سوالف البنات في الطاابور


البداية مع التفتيش

ليش مريولك موديله كأنه فستان عرس ؟ أبله هذا ستايلي ..

ليش حاطة عدسات زرق ؟ أبلة عيوني هذي .. امي اوروبية .

ليش كل هذا الكحل ؟ أبلة عيوني كحلية طبيعيا .. . :

ليش المناكير ؟ أبلة هذي حنة سودانيه مو مناكير . :

ليش ما ترددين تحية العلم ؟ أبلة بلاعيمي تعورني .>> ههههه ومن الجهة الثانية صوتها ويا سوالفها واصل لآخر صف ..


ليش تسولفين بدل ما تستفيدي من الإذاعة ؟ أبلة مو انا بس كل الصف ..بعدين الإذاعة مكررة هي وفقرة هل تعلم السخيفة

ليش كل هذا المكياج ؟ أبلة امس كان عرس ولد عمي للفجر .ومالقيت وقت عشان أشيله ....!!




طبعا في بنت رقيقة تصيح .. وفي بنت دفشة بكرة تجيب القبيلة كلها تشتكي .هههههههههههههه

وما ننسى حركة التنقلات المستمرة .. مثلاً فلانه الدبة لما كانت بالثانوية كل يوم تتنقل طابور غير حتى يمكن طابورها ما تدلة.

نمر للبنات اللي مبققات عيونهم على الأبلوات ..

وين أبله سيتوبلازم ؟هذي واقفة جنب العمود أكيد غايبة اوكي الحصة الأولى فاضيين . يا سلااااااام

وين أبله"قد اعذر من انذر ؟ هذي عندها مناعة طبيعية ماتمرض عشان تغيب هي و ربيعتها نو بودي...

وين أبله الحجم العائلي ؟ اوف بعد مب غايبه .. لا وتشوف علي بعد شافها ملك الموت " عزرائيل " اليوم قولو آمين

شوفوا معلمة عطيات تنورتها تحفة .. خيالية.. آخر موضة .....من وين اشترتها ؟


عاد معلمة دراكولا مشترية الدمعة بدل أرنوبها القديم وتتكلم مع زوجها في الطابور لتضمن أكبر عدد من الناس شافوها ..تنزل اعلان بالجريدة يكون أحسن .

والحين قبل لا نخلص نشوف سوالف الدلوعات :

أمس رحت عرس جيراننا لبست فستاني الجديد الكشخة التركواز والاكسسوارات اللي توني مشتريتهم من كليرز وصندل فرساتشي اللي اشترالي إياه أخوي من لندن هه.. وكل الناس تشوف علي كاني انا العروسة .<<<معقوله

تدرين مع من سولفت أمس بالشات ؟مع لبناني وحاط صورته يمة يذوب ... شعر اشقر و عيون خضرا .

و نخلص بالبنات اللي اختصاصهم الحش :

شفت فلانة امس فاتحة شعرها كأنه خرطوم الحريق.

ولا علانة اللي كانت عايشة في ماليزيا اليوم جاييه بقميص صوف والحراره 40 درجة غبية وحدة .<< مايسوى على البنت


ولا مجموعة شغالات الصف " هذيلا اللي يلمون الدفاتر و يجيبون المسجل أو اللوحة للأبلة " الصباح لقيتهم ينظفو السبورة .. والله ينرحمون .

و في النهاية تجي معلمة و تقول ماشي قلم : وين انتوا في سوق السمك ؟ وحنا نقوم نضحك كالعادة ...

ههههههااااي

منقول

متأملة
06-25-2007, 07:01 PM
فعلا همسات ذكرت الأحداث اللي كل يوم تصير
عاد ياسبحان الله في الفصل الو احد تشوفي كل هالأنواع متوفره

mooof
06-25-2007, 07:32 PM
عندنا وعندكم خير , حنا نفتش بحثا عن : جوال ( لايفضحونا على النت :p ) والبلاوي اللي فيه والتفتيش على الشعر او اسطوانات الحاسب وغيرها . الله يهديهم ويصلخهم .

همسات
06-25-2007, 08:48 PM
صدقتي يامتأملة

وفي كل مكان ها الأنواع

مشكووووره على مروك الحلو


البلاوي عندنا وعندكم ياموف خصوصوا الجوال

الله يصلحهم

مشكور موف على المرور

نوني80
06-25-2007, 09:11 PM
سبحان الله كأنك عايشة بطوابيرنا
مش معقول غريب إنو في كل مكان الطابور نفس الإشي!!!!

همسات
06-25-2007, 09:26 PM
شفتي يانوره سبحان الله

نفس الشي

مشكوره على مرورك

روح الياسمين
06-26-2007, 12:56 AM
في طابورنا تشوفينا البنت عيونها ماغير راقيه نازله تشوف المعلمة
كانها تحقق معها
عندنا وعندكم خير ياهمسات..
الله يهدي الجميع

همسات
06-26-2007, 01:04 AM
مشكوره روح على تفاعلك ومروك الحلو

دنيا الأمل
06-26-2007, 06:36 PM
ههههههههههههه

روعه همسات

صادقه .. وفيه بلاوي اكثر

يسلمو يا حلوه

همسات
06-26-2007, 07:12 PM
تسلمين لي دنيا
ومثل ما قلتي فيه بلاوي اكثر
مشكوره على مرورك

مهندسة منال
03-01-2012, 02:46 PM
ههههههههههههههه ربي عطانا الذكاء عشان نرد على الاسئله الغريبه

الوفة
04-12-2012, 01:45 PM
اية ولا النشيد الوطني تونا جالسين من النوم ننشد وحدة تقول وباقي الفصل ساكت

هههههههههههههههه

يعطيك العافية الحركات كان مسوينها نسخ لصق ههههه