هم فوووووووق هم للي يقدر يفيدني يدخل ماذا اعمل ؟

[فتنه الفهد]

بسم الله الرحمن الرحيم
انا معلمة حاسب في مدرستي الاساسيه عندي فقط 8 حصص ومبسوطه فيهن وكنت ابدع على قد امكاناتي انا ومعملي المتواضع :) المهم قدر الله علي وجتني الموجهه تحمل لي خبر انتدابي الى مدرسه ثانيه (على فكره انا مرشده طلابيه انا ووجهي :p)المهم من هنا ومن هناك اصرت اني اروح الانتداب بلى ارشاد بلى هم الماده اهم وفي مدرستي الجديده لقيتهم رمو في وجهي 10 حصص حاسب اولى وثاني المهم قلت يالله امر الله ودخلت المعركه (مع العلم انهم متاخرين بالمنهج 3 اسابيع ) صرت ثلاث ايام عندهم ويومين بالمدرسة الاساسيه ومشى الحال
فجأة دعتنا مديره مكتب التوجيه ومعاها الموجهه (قدمت لنا حلى وقهوه :p) مادرينا اللي بعدها وهي تصدمنا بخبر وتعميم من الاداره بمحو اميه الحاسب عند جميع شاغلات الوظائف التعليميه :confused: ومين طبعا اللي بيمحو هالاميه (معلمات الحاسب المكروفات)ويالله حليها من هنا ومن هناك راسها والف سيف الايتطبق التعميم طيب منين الوقت وكيف ؟ مو مشكلتها تصرفو !!!!!!!!!!!!!!!!!!!!!!!
اللي صار انهم عصرو حصصي العشر في يومين (تخيلو يوم كامل في المعمل الغير مكيف )ماعلينا
فرغوني يوم لتدريس الحاسب للمعلمات( بعضهن مقدم تقاعد )ماعلينا ماتصدقون كيف تدريسهم صعب بالاضافه الى انه قهر وغصب عنك وبدون مقاااااااابل والشكوى لله
السؤال الذي يسدح نفسه؟؟هل يحق لهم اجباري على تطبيق التعميم ؟؟؟
اتمنى الرد والتفاعل من الجميع وشكررررررررررا
معلمه مكروووووفه :confused:
(احس نفسهم يقطعوني اوصال زي الكيكه وكلن ياخذ قسمه :D)
وقبل مانسا طلبو منا اننا نعمل الماده تبع الدوره اللي بنسويها للمعلمااااات
ويالله اشتغلوووووووو
:mad:

[stn555]

عارفه اخيت المشكلة فين

المشكلة في اصدار القرارات والوضع ما يساعد لان هناك عجز في المعلمين والمعلمات والمعامل المدرسية وضغوط على معلم المادة ووووووووووو

فجأة جات في راسهم فكرة قالوا لازم نطبقها طيب ادرسوها اولا واعملوا لها تفصيل كامل قبل البدء فيها

وهذي مشكلتنا ليه اغلب شيء يستحدث عندنا يكون فيه مشاكل واخطاء وممكن يفشل لان يطبق بدون دراسة بدون وضع خطة زمنية لتنفيذ بس طبق وخلاص

اعانك الله يا اختي وفعلا مشكلة والله يساعدك ويفرجها عليكي

تحياتي لك

[فتنه الفهد]

مشكووووووووووووووور اخي سلطان الغامدي على جميل مواساتك
والاجمل اهتمامكم بموضوعي

[عزي]

اختي الغاليه : قبل اربع سنوات
في اول سنه تعيين لي حصل لي نفس ما حصل لك فرغت يوم متكامل لاكمل في مدرسة اخرى لمحو امية المعلمين واعطائهم دورات تعليميه بالحاسب

العجيب في الموضوع !
انه أغلب معلمي المدرسه لايرغبون في الدورات
وصار الموضوع في صالحي ....صرت اروح للمدرسه واجلس الى الدرس الرابع سواليف مع المدرسين واللي يبغى يتعلم شي اعلمه
والغالب يبون يتعلمون كيف يكتبون اسئلة الاختبار فقط ولاهمهم شي .
وصبرت حتى انتهى الفصل الدراسي ورجعت طبيعي .



الله يكون في عونك اختي ويصبرك
راح الكثير ما باقي الا القليل .

وفقك الله وسدد خطاك

[دنيا الأمل]

.. يا حياتي .. شكلك تدرسين بنفس المنطقه الي ادرس فيها ..

.. ما نمر به عادي جدا .. اجباري تطبقي التعميم .. ولا يحق لك الرفض ..

.. الغريبه اختي .. الوضع عندي مختلف .. ببدايه الاسبوع الي فات ارسلو هم الماده الي راح ندرسها لهم ( تقريبا نفس منهج اول ثانوي ) ..

.. و المشرفه الي بلغتني بالتعميم ارسلت معه استماره تحديد مستوى يعني المعلمه الي ما تحتاج تعليم ما تحضر الدوره وتحضر الامتحان في الاخير .. بعدها ارسلي تقرير لهم .. وهم يرسلون شهادات اجتياز دوره لهم ..

.. صراحه الوضع عندي اريح .. 6 حصص مع تدريس معلمات مدرستي وقريه ثانيه كمان ( الحمد لله ) ..

.. اذا كنتي تبغين المنهج ارسلته لك ..

.. تحياتي لك .. والله يعينك ويعيننا ان شاء الله ..

[فتنه الفهد]

مشكور اخوي عزي على ردك على موضوعي
وليت المعلمات زي المعلمين الا بالعكس تمام اخذينها جد الجد ويبون يتعلمون كل شي بهالوقت الضيق كني طايحه عليهم من السماء لا والعدد بزياده والوقت مايكفي ووخلوهااااااااااااااااااا على الله .....................................ز
انا اللي قاهرني شغلة الارتجال بس مادام مافيه مدربين كفايه ليش يطلع التعميم اصلا
وليش يحددون هالوقت الضيق
ودمتم سالمين
كأن التعاميم تجي من كوكب ثاني

[فتنه الفهد]

دنيا الامل يسلمووووووووووووووووووو قلبي على الرد
وماتقصرين خلاص سوينا المنهج وفعلا زي منهج اول ثانوي
ويعطيك الف عافيه

[سمو]

اختي على اي اساس تدرسين محو اميه
وانتي اساسا منتدبه ؟؟؟؟؟؟؟؟؟؟؟
لااااااااااااااااااااااااااااااااايحق لهم اجبارك على ذلك "
واضح انهم مستغلينك مرررررررررره
ارفضي بشده .. لاتعطينهم مجال لاقناعك "
الشي هذا غير منطقي
انا الان منتدبه " لذلك مااحد طلب مني تدريس امية حاسب "
هذا رايي وراي موجة الماده ":confused:

[فجر2007]

أختي الغالية بداية الله يعينك 000

الحين إنتي خلاص قبلتي طلبهم وفي مرحلة التنفيذ يعني مافي فايدة من النصيحة الآن ,,,,,,,, لكن بعدين نصيحيتي لكي من البداية أرفضي الفكرة وثقي تماماً إنه ما راح يكون عليك ولا مسؤولية وخاصة إذا أنتي تعيين رسمي ,,,

أختي أنا بأول سنة تعيين كانت مديرتي بتعطيني فقط برنامج معارف للمرحلة الابتدائية لأننا مجمع من الابتدائي للمتوسط والثانوي,, وكان ودها إني أكون قدام البرنامج كامل وأترك الحصص0000 لكن!!!!!! أنا من النوع صراحة صراحة إللي ما يوافق إلا على عمل يخصني أما غير كذا فلا وستين لا 00 المهم بعدين هددتني إنها ترسل خطاب للتعليم إني غير صالحة للعمل لأني توني بالسنة الأولى بالتعيين لكن حتى بعد تهديدها رفضت وبإصرار وبعد كذا وافقت لكن بشرط وهو إني أكون مساعدة الإبتدائي فرفضت وأنا أصرت على رفضي أكثر المهم بالنهاية 00000000000:D :D :D ولا حصل شئ استمريت عادي على رفضي وأبشرك نقلت كمان نقل خارجي

يعني لا توافقي على كل الطلبات إذا كانت خارجة عن طاقتك لأن بعض المشرفات هداهم الله يستغلون معلمات الحاسب بشكل غير طبيعي 00000

[فتنه الفهد]

[[ بسم الله والحمد لله وصلى الله وسلم على رسول الله وعلى آله وأصحابه ومن اهتدى بهداه
ألف شكر لك أختي الكريمه صالحه
وكل الشكر لاهتمامك
ووالله انك فعلا صادقه بكل كلمه قلتيها فعلا احنا عرضة للاستغلال من المديرات
انا ثالث سنه وتعيين رسمي بس جد كل ماقالو لي استلمي شي وافقت وبككل اجتهاد حتى لو على حساب نفسي وصحتي
واخرتها المشرفة تجيك كنها واصلة من القمر وتنقد كل شي حتى الحلو والصح
ولا تشوف شي من اعمالك اللي بالمدرسه لامعارف ولا ولا ارشااااد ولا نظام ولا شي
والمديرة اول من ينقدك معاها وتلاقينها واقفة في صف المشرفه ويسوون عليك حزب
والله ماحد يرحم
بس فعلا ماراح اوافق بعد كذا اسوي لهم اي شي بره المنهج
بسراحة موقفك عجبني وكثيرات زيك ونصحوني بكذا
وانشاء الله بيكون هذا اسلوبي بعد كذا
ليش اظلم نفسي واضغط حالي وبالنهايه مااحد حاس فيك ولا شكرا ولا اي تحفيز
بس عندي سؤال ؟ لك وللي يقرأمشاركتي ويقدر يفيدنا
بسراحة انا منتدبه في مدرسة ثانيه وموضوع الانتداب تعبني لانه صعب تدرسين بغير مدرستك ولاسباب اخرى
سوالي اقدر ارفض الانتداب ؟ واذا رفضت ايش الاجراء الذي يطبق ؟
وشكرااااااااااااااااااااااااااااااااااا لاهتمامك [/B][/SIZE][/FONT]
[/FONT][/SIZE]